Նորություններ

Սուրբ Զատիկ

Սուրբ Զատիկ տոնին նվիրված միջոցառում կազմակերպեցին նաև ներառական համակարգում ընդգրկված աշակերտները, դաստիարակ Ա. Եղիազարյանի ղեկավարությամբ:
Երեխաները ներկայացրեցին Սուրբ Հարության տոնի խորհուրդը, երգեցին, արտասանեցին և ուրախ տրամադրություն հաղորդեցին ներկաներին:

Սուրբ Հարության Տոնը

Երևանի Գ. Ստեփանյանի անվան հ. 135 դպրոցում ապրիլի 10-ին տեղի ունեցավ միջոցառում՝ նվիրված Սուրբ Հարությանը կամ Զատկի տոնին:
Միջոցառումը կազմակերպել էր 3գ դասարանի դասվար Ե. Ստեփանյանը:
Դասարանում տիրում էր բարձր, տոնական տրամադրություն: Երեխաները ներկայացրեցին տոնի խորհուրդը, հնչեցին ուրախ երգեր, տոնը խորհրդանշող իմաստուն խոսքեր:

Արտթերապևտիկ աշխատանք ԿԱՊԿՈՒ աշակերտների հետ

Փետրվարի 24-ին հ. 135 դպրոցում ԿԱՊԿՈՒ աշակերտների հետ անցկացվեց խմբային արտթերապևտիկ աշխատանք խմորով և ջրաներկով: Աշխատանքի նպատակն էր ստեղծել դրական մթնոլորտ, նպաստել միջանձնային հարաբերությունների ձևավորմանը, զարգացնել մանր մոտորիկան, կենտրոնացնել ուշադրությունը, զարգացնել երևակայությունը, գունային ընկալումը: Դասն անցկացրեց Աննա Ճաղարյանը:

Հազարագանձ մայրենի

Փետրվարի 23-ին հ. 135 դպրոցի էլեկտրոնային դասարանում մայրենին անաղարտ պահելու, օրը տոն դարձնելու հերթական միջոցառում էր` <<Հազարագանձ մայրենին>> խորագրով: Այստեղ դպրոցականների, ուսուցիչների ու ծնողների առջև մի խումբ աշակերտներ խոնարհումի ու մեծարանքի հանդիսություն էին կազմակերպել. նրանց շնորհիվ ներկաները զգացին ու վայելեցին մայրենի լեզվի այն հզոր ուժը, որ կարողանում է պաշտպանել ժողովրդին` պատմության մեջ անխուսափելի բոլոր կործանարար հողմերից: Տեխնիկական միջոցների, էկրանի ընձեռած հնարավորությունների շնորհիվ հանդիսատեսը հաղորդակից դարձավ երգով ու պարով համեմված մի խոսքի, որ երեխաների շուրթերից հնչում էր մաքուր ու գրագետ հայերենով:

Մայրենիի տոն

Փետրվարի 21... Մայրենիի տոն... Գողտրիկ և անմոռանալի միջոցառում էր կազմակերպված Ավետիք Իսահակյանի անվան գրադարանում: Օրն իր մեջ մեծ խորհուրդ ուներ. նշել տոնը և անաղարտ պահել մայրենին:
ՀՀ կրթության և գիտության նախարարության լեզվի պետական տեսչությունը մի շարք անձանց պարգևատրեց պատվոգրերով հայոց լեզվի և ազգային ինքնության պահպանության գործում ունեցած մեծ ավանդի և նվիրումի համար:
Պարգևատրվողների մեջ էր նաև Գ. Ստեփանյանի անվան հ. 135 հիմնական դպրոցի ուսումնական գծով փոխտնօրեն, հայոց լեզվի և գրականության ուսուցչուհի Քնարիկ Համբարձումյանը:

Ապահով համացանց 2012

Փետրվարի 15-ին Գ. Ստեփանյանի անվամ հ. 135 հիմնական դպրոցի համակարգչային երկրորդ դասասենյակում տեղի ունեցավ բաց դաս <<Ապահով համացանց 2012>> թեմայով: Դասը վարեց ինֆորմատիկայի ուսուցչուհի Լյուդմիլա Նավասարդյանը: 7բ դասարանի աշակերտները դասի ժամանակ ներկայացրեցին իրենց պատրաստած տեսանյութերը:

Խաղ-վիկտորինա <<Բագրատունիներ>>

ՓԵտրվարի 14-ին Երևանի Գ. Ստեփանյանի անվան հ. 135 հիմնական դպրոցում 7բ և 7գ դասարանների միջև տեղի ունեցավ խաղ-մրցույթ <<Բագրատունիներ>> թեմայի ամփոփման շուրջ:
Մրցույթի ընթացքում դասասենյակում թևածում էր հայրենասիրական շունչն ու ոգին: Երեխաները հայրենասիրական երգերի ու պարերի իրենց կատարումներով ոգեշնչեցին նաև ժյուրիի անդամներին:
Խաղ-մրցույթը կազմակերպել էր պատմության ուսուցչուհի Աննա Մուղդուսյանը, և այն տեղի ունեցավ էլեկտրոնային դասասենյակում: Մրցույթի նյութերը պատրաստեցին և էլեկտրոնային գրատախտակով ներկայացրեցին մեր դպրոցի նախկին աշակերտներ, իսկ այժմ հ. 139 ավագ դպրոցի սաներ Տաթև Ալավերդյանը և Գրիգոր Ավագյանը:
Յոթերորդ դասարանի աշակերտները ժյուրիի կողմից ստացան հուշանվերներ և բազմաթիվ շնորհավորանքներ:

Ապահով ինտերնետ

Փետրվարի 7-ին Գ. Ստեփանյանի անվան հ. 135 դպրոցի 7բ դասարանում անց կացվեց բաց դաս` <<Ապահով համացանց 2012: Միասին և ավելի ապահով բացահայտենք թվային աշխարհը: Կառուցենք կամուրջներ սերունդների միջև>> թեմայով:

Սուրբ Սարգսի տոն
Երիտասարդների օրհնության օր

Փետրվարի 3-ին Նոր Նորք վարչական շրջանում տեղի ունեցավ միջոցառում` նվիրված զինվորականների և երիտասարդների սիրո հովանավոր ու նրանց նպատակներն իրականացնող Արագահոս Սուրբ Սարգսին:
Միջոցառմանը ակտիվ մասնակցության ցուցաբերեց Գ. Ստեփանյանի անվան հ. 135 հիմնական դպրոցը: Աշակերտները մասնակցեցին նաև դեպի Սուրբ Սարգիս եկեղեցի կազմակերպվող երթին:

Շնորհավոր Ամանոր

Դեկտեմբերի 23-ին տեղի ունեցավ Ամանորի ուրախ դիմակահանդես ԿԱՊԿՈՒ աշակերտների մասնակցությամբ:

2011թ. դեկտեմբերի 9-ին 4բ դասարանում կազմակերպվեց /դաստիարակ Ա. Եղիազարյան/ <<Մեր փոքրիկ աշխարհը>> խորագրով միջոցառում: Այս դասարանում սովորում են ԿԱՊԿՈՒ վեց աշակերտ, ովքեր էլ բեմադրեցին <<Անտառի բնակիչները>> և <<Գայլն ու գառը>> տիկնիկային ներկայացումները: Միջոցառումն ավարտվեց աշակերտների անհատական ձեռքի աշխատանքների ցուցահանդեսով:

Տոնդ շնորհավոր, Հայաստան

ՀՀ անկախության 20-ամյակին նվիրված միջոցառումների շրջանակներում սեպտեմբերի 20-ին հ. 135 դպրոցում անցկացվեց հերթական տոնական մեծ միջոցառում: Տոնական հանդիսությանը մասնակցում էր դպրոցի հետ 2009թ. բարեկամական կապերի մեջ գտնվող Կիևի քաղաքապետարանի հ. 85 դպրոցի պատվիրակությունը: Ներկա էր նաև Նոր Նորք վարչական շրջանի ղեկավար պարոն Մ. Գասպարյանը: Բարեկամությունն էլ ավելի ավելի ամրապնդելու մշակվեց համատեղ ծրագիր և ստորագրվեց հուշագիր:

Էլեկտրոնային դասարանում ստորագրվեց հուշագիր

Կիևի պատվիրակությունը դիմավորվեց աղուհացով: Միջոցառումների դահլիճը լի էր ողջույններով, ծափ ու ծիծաղով...